اسلامی تحریک مزاحمت "حماس” نے منگل کے روز مغربی کنارے کے الخلیل شہر میں اسرائیلی فوج کے حملے میں دو فلسطینی مزاحمت کاروں مروان القواسمی اور عامر ابو عیشہ کی شہادت کو صہیونی ریاست اور فوج کی منظم دہشت گردی قرار دیا ہے۔
مرکز اطلاعات فلسطین کے مطابق قاہرہ میں ایک بیان میں حماس کے سیاسی شعبے کے سینیر رکن عزت الرشق نے کہا کہ مغربی کنارے میں گذشتہ روز دو فلسطینیوں کو شہید کرنا اس بات کا عکاسی ہے کہ صہیونی ریاست فلسطینیوں سے طے پائے معاہدہ جنگ بندی سے فرار کی کوشش کر رہی ہے۔ انہوں نے کہا کہ فلسطینی عوام صہیونی فوج کے اس سفاکانہ اقدام پر خاموش نہیں رہیں اور دشمن فوج کو اس کا بدلہ چکانا ہوگا۔
قبل ازیں حماس کی جانب سے جاری ایک بیان میں بھی تنظیم کے عسکری ونگ عزالدین القسام شہید بریگیڈ کے ارکان عامر ابو عیشہ اور مروان القواسمی کی شہادت پر گہرے دکھ کا اظہار کرتے ہوئے شہداء کے لواحقین سے تعزیت کا اظہار کیا تھا۔
بشکریہ:مرکزاطلاعات فلسطین