اسلامی تحریک مزاحمت [حماس] نے لبنان کے دارالحکومت بیروت کے قریب فلسطینی مہاجرکیمپ”عین الحلوۃ” میں ہونے والی تازہ بد نظمی پرگہری تشویش کا اظہار کرتے ہوئے بدنظمی کے مرتکب عناصر کے خلاف سخت کارروائی کا مطالبہ کیا ہے۔
لبنان میںمقیم حماس کے مندوب برائے امور پناہ گزین علی برکہ نے اپنے ایک بیان میں کہا ہے کہ ان کی جماعت نے”عین حلوۃ” خیمہ بستی میں ہونے والی بدنظمی کی شدید الفاظ میں مذمت کرتے ہوئے ایسے واقعات کی روک تھام کا مطالبہ کیا ہے۔
خیال رہے کہ گذشتہ روز وادی عین حلوہ میں قائم فلسطینی پناہ گزین کیمپ میں شام میں مارے جانے والے ایک شخص کی میت لائی گئی جس کے بعد کیمپ میں کہرام برپا ہوگیا تھا۔ واقعے کے بعد مختلف گروپوں کے درمیان تصادم ہوا اور قریب تھا کہ خون خرابہ ہوتا مگر مقامی شہریوں نے معاملے کو رفع دفع کردیا۔
حماس کے مندوب کا کہنا ہے کہ اسرائیل اور فلسطین دشمن عناصر فلسطینہ پناہ گزین کیمپوں میں خون خرابے کی سازشیں کررہےہیں۔ ایسےمیں فلسطینی تنظیموں کونہایت احتیاط اور ذمہ داری کا مظاہرہ کرتے ہوئے مہاجرکیمپوں میں امن وامان کےقیام کو یقینی بنانے میں اہم کردار ادا کرنا چاہیے۔