اسلامی تحریک مزاحمت "حماس” کے سیاسی شعبے کے سینیئٕر رکن عزت الرشق نے واضح کیا ہے کہ کسی دوسرے ملک یا کسی بھی دوسرے فریق کی جنگ سرزمین فلسطین میں منتقل کرنے کی ہر سازش کا مقابلہ کیا جائے گا۔ ان کا کہنا ہے فلسطین کو دوسروں کی جنگ کا اکھاڑا نہیں بننے دیں گے۔
مرکز اطلاعات فلسطین کے مطابق عزت الرشق نے سماجی رابطے کی ویب سائیٹ "فیس بک” کے اپنے خصوصی صفحے پر پوسٹ ایک بیان میں فلسطینی قوم کے لیے قربانیاں دینے والوں کو خراج تحسین پیش کیا۔انہوں نے کہا کہ حماس کے خلاف سوشل میڈیا پر منفی پروپیگنڈہ چل رہا ہے مگر ہم کسی دوسرے فریق کی جنگ کو فلسطین منتقل نہیں کریں گے۔ انہوں نے کہا کہ فلسطینی قوم کا اسلحہ اور ان کی تمام تر مادی اور معنوی قوت صرف صہیونی دشمن کے خلاف استعمال ہوگی۔ اسرائیل کے سوا ہمارے ہتھیار اور کسی پر نہیں اٹھیں گے۔