(فلسطین نیوز۔مرکز اطلاعات) تحریک حماس کے ایک مرکزی رہنما مشیرالمصری نے بدھ کو غزہ میں القسام بریگیڈ کے ایک کمانڈر کو خراج تحسین پیش کرنے کے لئے منعقدہ ایک تقریب سے خطاب کرتے ہوئے کہا کہ القسام بریگیڈ کے دسیوں ہزار مجاہد، صیہونی دشمن سے آئندہ جنگ کے لئے اپنی فوجی طاقت بڑھانے اور مزید آمادگی پیدا کرنے کے لئے سرگرم عمل ہیں-
مشیر المصری نے مزید کہا کہ القسام بریگیڈ کی آئندہ جنگ تل ابیب، حیفا، یافا اور صفد کے مرکز میں ہوگی اور یہ جنگیں صیہونی حکومت کی چولیں ہلا کر رکھ دیں گی-
تحریک حماس کے سینئر رکن نے صیہونی دشمن کو خبردار کیا کہ اس سے زیادہ القسام بریگیڈ کے صبر کا امتحان نہ لیا جائے کیونکہ حالات پوری طرح فلسطینی مزاحمت کے حق میں آگے بڑھ رہے ہیں- انھوں نے اپنے بیانات کے دوسرے حصے میں کہا کہ القسام بریگیڈ ایک بار صیہونی حکومت کو دھول چـٹا چکا ہے اور اس بار انھیں فلسطینی قیدیوں کو رہا کرنے پر مجبور کر دے گا-