مرکزاطلاعات فلسطین کے مطابق بدھ کے روز صحافیوں سے گفتگو کرتے ہوئے مسٹریعلون کا کہنا تھا کہ "گذشہ شب فلسطینی مزاحمت کار کو ایک ٹارگٹڈ حملے میں مار کرہم نے راکٹ حملوں کا بدلہ لیا ہے۔ ہم اپنے شہروں اور شہریوں پرراکٹ برسانے والوں کواسی طرح پورےعزم کے ساتھ نشانہ بناتے رہیں گے”۔
خیال رہے کہ گذشتہ شب صہیونی فوج کی گولہ باری سے مغربی کنارے کے شہر”بیتِ حانون” میں فائرنگ سے دو فلسطینی شہید ہوگئے تھے۔ شہداء میں اسلامی جہاد کے عسکری ونگ "القدس بریگیڈ” کا ایک کمانڈر بھی شامل تھا۔
اسرائیلی وزیردفاع موشے یعلون نے یہودی کالونیوں میں گرنے والے راکٹ حملوں کی تمام ترذمہ داری اسلامی تحریک مزاحمت[حماس] پرعائد کر دی۔ انہوں نے کہا کہ اگرحماس غزہ کی پٹی میں مزاحمت کاروں کو حفاظتی چھترے فراہم نہ کرے تو وہ ہماری شہریوں پر راکٹ حملے نہیں کرسکتے لیکن ہم اپنے شہریوں کی حفاظت کے لیے ہرقیمت ادا کرنے کے تیار ہیں اور دشمنوں کےہرٹھکانے کو تباہ کریں گے۔
شکریہ:مرکزاطلاعات فلسطین