مرکز اطلاعات فلسطین کے مطابق حماس کے ترجمان ڈاکٹر سامی ابو زھری نے اپنے ایک بیان میں کہا ہے کہ امریکی تنقید سے یہ بات بالکل واضح ہو رہی ہے کہ امریکی انتظامیہ مسلم امہ کے مسائل کی حقیقی دشمن ہے۔ انہوں نے کہا کہ حماس ترکی کی جانب سے فلسطینیوں کی بے لوث حمایت پر مکمل یقین رکھتی ہے۔ ہم امید کرتے ہیں امریکا اور اسرائیل کی نسل پرستانہ سوچ اور تنقید کے نتیجے میں ترکی کا فلسطین کے بارے میں موقف تبدیل نہیں ہوگا۔
خیال رہے کہ حماس کے سیاسی شعبے کے سربراہ خالد مشعل نے گذشتہ ہفتے ترکی کا دورہ کیا تھا جہاں انہوں نے ترک حکمراں جماعت ’’آق‘‘ کے سالانہ اجلاس میں شرکت کی تھی۔
خالد مشعل کی ترکی آمد پر امریکا نے سخت برہمی کا اظہار کرتے ہوئے حماس اور ترک قیادت کے درمیان روابط پر گہری تشویش کا اظہار کیا تھا۔ امریکی وزارت خارجہ ترجمان جیف راتکی کا کہنا تھا کہ ان کا ملک حماس کو ایک دہشت گرد گروپ سمجھتا ہے اور اس کی قیادت کا کھلے عام ترکی کا سفر کرنا اور ترک قیادت سے تعلقات ہمارے لیے باعث تشویش ہے۔
بشکریہ:مرکزاطلاعات فلسطین