رپورٹ کے مطابق خالد مشعل کی قیادت میں حماس کا وفد کل منگل کو چار روزہ دورے پر کولالمپور پہنچا۔ وفد میں حماس کے سیاسی شعبے کے نائب صدر ڈاکٹر موسیٰ ابو مرزوق، سیاسی شعبے کے ارکان محمد نزال اور ماھر عبید بھی شامل ہیں۔
خیال رہے کہ حماس کی قیادت کا یہ دورہ ملائیشیا کی حکمراں جماعت ’’آمنو‘‘ کی دعوت پر کیا جا رہا ہے۔ تاہم اپنے اس دورے میں خالد مشعل ملائیشین وزیراعظم اور کابینہ کے دیگر ارکان سے بھی ملاقات کریں گے۔ گذشتہ روز کولالمپور پہنچنے پرحماس کے وفد کا سرکاری پروٹوکول کے مطابق استقبال کیا گیا۔ حماس کا وفد ’’آمنو‘‘ کے سالانہ کنونشن میں بھی شرکت کرے گا۔