اسلامی تحریک مزاحمت "حماس” کے سیاسی شعبے کے رکن عزت الرشق نے کہا ہے کہ جماعت کے سیاسی شعبے کے سربراہ خالد مشعل کے مصر کے دورے کا کوئی پروگرام ترتیب نہیں دیا گیا ہے۔
مرکز اطلاعات فلسطین کے مطابق سماجی رابطے کی ویب سائیٹ "فیس بک” کے اپنے خصوصی صفحے پر پوسٹ کیے گئے ایک مختصر بیان میں الرشق کا کہنا تھا کہ بعض ذرائع ابلاغ نے یہ خبر دی ہے کہ خالد مشعل مصر کے دارالحکومت قاہرہ پہنچ رہے ہیں۔ میں جماعت کے ایک ذمہ دار کی حیثیت سے یہ واضح کررہا ہے کہ خالد مشعل کے دورہ قاہرہ کا کوئی پروگرام نہیں ہے۔
خیال رہے کہ قبل ازیں مصری ذرائع ابلاغ نے یہ اطلاع دی تھی کہ حماس کے سیاسی شعبے کے سربراہ خالد مشعل غزہ پر اسرائیلی جارحیت روکنے کے حوالے سے جاری بات چیت میں شرکت کے لیے قاہرہ پہنچ رہے ہیں۔