فلسطین کی سب سے بڑی منظم مذہبی سیاسی تحریک اسلامی تحریک مزاحمت ’’حماس‘‘ نے آج عیدالاضحٰی کے موقع پرپورے عالم اسلام بالخصوص فلسطینی قوم کو تہنیتی پیغام بھیجا ہے۔
مرکزاطلاعات فلسطین کے مطابق حماس کی جانب سے جاری ایک تازہ برقیے میں فلسطینی قوم کے صہیونی مظالم کے سامنے عزم وہمت کو خراج تحسین پیش کرتے ہوئے انہیں یہ دعا کہ ہے کہ اللہ رب العزت فلسطینی قوم کو جلد آزادی کی نعمت سے سرفراز فرمائے اور صہیونیوں کی فلسطین اور اسلام دشمنی چالوں کو ناکام و نامراد کرے۔
حماس نے اپنے بیان میں کہا ہے کہ تنظیم اوراس سے وابستہ لوگ اپنی جانیں بھی دے کرفلسطینی قوم کے حقوق اورآزادی کے لیے جدو جہد جاری رکھیں گے۔ بیان میں کہا گیا کہ حماس نے کبھی بھی دشمن کےمظالم کے سامنے ہتھیار نہیں ڈالے ہیں اورآئندہ بھی ایسا نہیں کرے گی۔ حماس سمجھتی ہے کہ عیدالاضحیٰ عظیم الشان قربانی کی یاد دلاتی ہے۔ حماس قربانیوں کا سلسلہ جاری رکھے گی۔
بشکریہ: مرکز اطلاعات فلسطین