غزہ ( فلسطین نیوز۔مرکز اطلاعات) حماس کے سیاسی شعبے کے سربراہ اسماعیل ھنیہ نے مصر کی سب سے بڑی دینی درس گاہ جامعہ الازھر کے سربراہ الشیخ احمد الطیب کو ٹیلیفون کیا اور ان کی جانب سے قضیہ فلسطین کی بے لوث حمایت اور غزہ کے محصور عوام کی مالی مدد پر ان کا خصوصی شکریہ ادا کیا۔
فلسطین نیوز کو موصول ہونے والی اطلاعات کے مطابق اسماعیل ھنیہ کےدفتر سے جاری ایک بیان میں کہا گیا ہے کہ ھنیہ نے ٹیلیفون پر بات کرتے ہوئے جامعہ الازھر کے سربراہ کو ماہ صیام کی مبارک باد پیش کی۔ اس کے علاوہ جامعہ کی طرف سے غزہ کے عوام کے لیے ادویات اور خوراک کے قافلے روانہ کرنے پر ان کا خصوصی شکریہ ادا کیا۔اس موقع پرشیخ الازھر ڈاکٹر احمد الطیب نے فلسطینیوں کے دیرینہ حقوق کی حمایت جاری رکھنے کے عزم کا اعادہ کیا۔ ان کا کہنا تھا کہ جامعہ الازھر کا غزہ میں فلسطینی مظاہرین کے قتل عام اور امریکی سفارت خانے کی بیت المقدس منتقلی کے حوالے سے مؤقف میں کوئی تبدیلی نہیں آئے گی۔
ان کاÂ کہنا تھا کہ جامعہ الازھر دیگر امدادی اداروں کے ساتھ مل کر غزہ کے عوام کے لیے امدادی قافلے بھیجنے کا سلسلہ جاری رکھے گی۔