حماس کے عسکری ونگ عزالدین القسام بریگیڈ نے جمعہ کو علی الصباح دشمن کو نشانہ بنانے کے لئے انتہائی منظم کارروائی کر کے غزہ کے علاقے میں ایک عمارت کو نشانہ بنایا جہاں اسرائیل کی اسپشل ٹاسک فورس کے اہلکار پناہ لیے ہوئے تھے۔
القسام بریگیڈ نے ایک فوجی اعلامیے میں بتایا کہ "ہم نے رفح کے مشرقی علاقے ابو الروس میں جمعہ کی صبح مقامی وقت ساڑھے چھ بجے غزہ میں در اندازی کی مرتکب اسرائیلی فوج کو گھیرے میں لیکر نشانہ بنایا۔
اسرائیلی فوجی دراندازی کے بعد ایک مکان میں موجود تھے جن پر ہمارے مجاہدین نے ٹینڈم راکٹ فائر کیا، جس کے بعد دشمن فوج نے کور فراہم کرنے کے لئے گولا باری شروع کر دی۔”
اسرائیلی فوج نے مصر اور غزہ کے درمیان اکلوتی سرحدی راہداری رفح کے قریب شدید جھڑپوں کی اطلاع دی ہے۔ عبرانی میڈیا ذرائع کے مطابق مشرقی رفح میں موجود اسرائیلی فوجیوں کے خلاف مجاہدین نے کاری ضرب لگائی ہے۔
اسرائیلی چینل 10 کے نامہ نگار نے بتایا ہے کہ حماس کے مسلح جنگجو علاقے میں موجود ایک زیر زمین سرنگ سے اچانک نکل کر اسرائیلی فوجیوں پر حملہ آور ہو گئے۔ اس کے بعد جنگجووں اور اسرائیلی فوجیوں کے درمیان شدید لڑائی شروع ہو گئی۔ اسرائیل علاقے میں اپنے طیاروں کے ذریعے بمباری کر کے اس مجاہدانہ کارروائی کو مزید پھیلنے سے روکنے کے لئے کوشاں ہے۔
اسرائیلی فوج کے سرکاری ذرائع نے ابتک کارروائی میں ہلاک یا اغوا ہونے والے فوجیوں کی تعداد کے بارے کچھ نہیں بتایا تاہم مجاہدین کے چھاپہ مار کارروائی پر اسرائیلی فوجی ردعمل سے اندازہ لگایا جا سکتا ہے کہ دشمن کو حملہ آور قسامی مجاہدین نے بھاری نقصان پہنچایا ہے۔
بشکریہ:مرکزاطلاعات فلسطین