مرکز اطلاعات فلسطین کی جانب سے جاری ایک بیان میں بتایا گیا ہے کہ ہفتے کی شام جبوب غزہ کے علاقے رفح میں الریان کے مقام پر مجاہدین کی ایک کارروائی میں دشمن کے کم سے کم پانچ فوجی ہلاک ہو گئے۔ بیان میں بتایا گیا کہ مجاھدین اور اسرائیلی فوج کے درمیان نہایت کم فاصلے پر ایک دوسرے پر فائرنگ کی گئی۔ ایک یہودی فوجی کو ڈیڑھ میٹر کے فاصلے سے گولیاں مار کر ہلاک کیا گیا۔
بیان میں مزید کہا گیا ہے کہ پانچ یہودی فوجیوں میں سے دو کے سروں میں گولیاں لگی ہیں جبکہ دیگر کے جسم کے دوسرے حصوں پر گولیاں ماری گئیں۔
القسام کا کہنا ہے کہ صہیونی فوج پر کامیاب حملے کے بعد مجاہدین بہ حفاظت اپنے مورچوں میں واپس آ گئے تھے۔ قبل ازیں القسام بریگیڈ کی جانب سے جاری ایک دوسرے بیان میں بتایا گیا تھا کہ وسطی غزہ میں المغازی پناہ گزین کیمپ کے قریب ایک کارروائی کے دوران چھ یہودی فوجیوں کو ہلاک کرنے کے بعد ان کے قبضے سے دو کلاشنکوفیں بھی مال غنیمت میں حاصل کی گئی ہیں۔ خیال رہے کہ آٹھ جولائی سے جاری صہیونی فوج کی وحشیانہ زمینی اور فضائی بمباری میں اب تک کم سے کم 48 فلسطینی شہید اور اڑھائی ہزار زخمی ہو چکے ہیں۔