غزہ – (فلسطین نیوز۔مرکز اطلاعات) اسرائیل کے تمام شہر حماس کے جدید ترین میزائلوں کی زد پر آگئے ہیں۔
فلسطین نیوز کو موصول ہونے والی اطلاعات کے مطابق حماس کی فوجی شاخ عزالدین قسام بریگیڈ کے قریب سمجھنی جانے والی ویب سائٹ المجد انکشاف کیا ہے حماس کے میزائل انیس سو اڑتالیس کے تمام مقبوضہ علاقوں میں قائم اسرائیلی شہروں کو نشانہ بنانے کی توانائی رکھتے ہیں۔تمام میزائل فلسطینیوں نے خود تیار کیے ہیں۔
المجد ویب سائٹ کے مطابق فلسطینیوں نے اپنے میزائل پروگرام کو داخلی وسائل کے ذریعے ترقی دی ہے اور سن دوہزار بارہ کی جنگ میں تل ابیب پر داغے جانے والے تمام کے تمام میزائل فلسطینیوں نے خود تیار کیے تھے۔
قابل ذکر ہے کہ حماس کی فوجی شاخ عزالدین قسام بریگیڈ نے اپنے میزائل پروگرام کے بانی محمود الجعبری کی اسرائیل کے ہاتھوں شہادت کے بعد مقبوضہ فلسطینی علاقوں پر سو میزائل فائر کیے تھے اور تاریخ میں پہلی بار ان میزائیلوں نے اسرائیل کے سیکورٹی نظام کو بھی نشانہ بنایا تھا۔
فلسطنیی میزائیل نے حیفا کو نشانہ بنایا
حماس کی فوجی شاخ نے عزالدین قسام بریگیڈ نےگزشتہ دنوں انکشاف کیا تھا کہ اس نے اپنی دفاعی توانائیوں میں زبردست اضافہ کرلیا ہے۔ عزالدین قسام بریگیڈ نے حال ہی میں اسرائیلی حملوں کے جواب میں اپنے بنائے ہوئے جدید ترین میزائلوں سے اسرائیل کے متعدد شہروں کو نشانہ بنایا تھا جن میں سے ایک میزائل حیفا شہر پر لگا تھا جس کا فاصلہ غزہ سے ایک سو ساٹھ کلومیٹر ہے۔