رپورٹ کے مطابق حماس کی جانب سے جاری ایک بیان میں کہا گیا ہے کہ امریکی وزیرخارجہ جان کیری نے فلسطینی تحریک انتفاضہ کو دہشت گردی کی کارروائیاں قرار دے کرامریکا کا قبیح چہرہ بے نقاب کردیا ہے۔
حماس کے ترجمان سامی ابو زھری نے کہا کہ امریکی وزیرخارجہ کا بیان اسرائیلی جرائم کی حمایت اور فلسطینیوں کے قتل عام کو آئینی قرار دینے کی گھنائونی کوشش ہے۔ حماس جان کیری کے بیان کی شدید الفاظ میں مذمت کرتے ہوئے فلسطینیوں کے قتل عام میں امریکی حکومت کو بھی برابر قصور وار قرار دیتی ہے۔