غزہ کی پٹی میں اسلامی تحریک مزاحمت”حماس” کے عسکری ونگ عزالدین القسام شہید بریگیڈ کے زیراہتمام موسم گرما کے خصوصی تربیتی کیمپ کا اغاز ہوگیا ہے جس میں کم سے کم 25 ہزار افراد نے اب تک رجسٹریشن کرائی ہے۔
مرکزاطلاعات فلسطین کے مطابق القسام بریگیڈ کی ویب سائیٹ پرجاری ایک بیان میں بتایا گیا ہے کہ تربیتی کیمپ کے اہتمام کا مقصد فلسطین کی نئی نسل کو دینی، روحانی ، ذہنی اور جسمانی طورپر مسئلہ فلسطین کے ساتھ مربوط کرنا اور انہیں مستقبل کے چیلنجز سے نمٹنے اور آزادی کے لیے لڑنے کے قابل بنانا ہے۔
تربیتی کیمپ میں 15 سے 60 سال کی عمرکے افراد شرکت کررہے ہیں جو غزہ کی پٹی کے مختلف علاقوں سے رجسٹرڈ کیے ہیں۔ تربیتی کیمپ میں عسکری نوعیت کی مختلف مہارتوں کے ساتھ آتشیں اسلحہ چلانے،شہری دفاع کی تربیت، زخمیوں کوفرسٹ ایڈ دینا، ایمبولینس کی سہولت فراہم کرناجیسے کاموں کی تربیت دی جاتی ہے۔
بشکریہ:مرکزاطلاعات فلسطین