رپورٹ کے مطابق یورپی یونین کی جانب سے جاری کردہ ایک بیان میں کہا گیا ہے کہ غزہ کی معاشی ناکہ بندی پر ماضی میں بھی متعدد موقعوں پر تشویش کا اٖظہار کرتے ہوئے فسطینی علاقے پر پابندیاں اٹھانے کا مطالبہ کیا گیا تھا مگر فریقین اس حوالے سے کوئی اہم پیش رفت نہیں کرسکے ہیں۔ یورپی یونین آج ایک بار پھر اسرائیل پر زور دیتی ہے کہ وہ غزہ کی ناکہ بندی کے خاتمے کے لیے موثر اقدامات کرے۔
بیان میں کہا گیا کہ غزہ کی تمام گذرگاہوں اور راستوں کو کھولا جائے تاکہ محصورین کو دوسرے فلسطینی علاقوں تک آزادانہ رسائی کے ساتھ ستھ بین الاقوامی دنیا سے مربوط ہونے کا موقع ملے۔ اس کے لیے اسرائیل سمیت تمام فریقین کی ذمہ داری ہے کہ وہ غزہ کہ ناکہ بندی کے خاتمے کے لیے سنجیدہ اقدامات کریں۔
بیان میں غزہ کی پٹی میں فوری امداد کی فراہمی، صحت،توانائی، تعلیم اور دیگر بنیادی سہولیات کی فراہمی یقینی بنانے کا مطالبہ کیا گیا۔ بیان میں فلسطینی اتھارٹی سے بھی مطالبہ کیا گیا کہ وہ غزہ کی ناکہ بندی کے خاتمے کے لیے مذاکرات شروع کرے۔