غزہ (فلسطین نیوز۔مرکز اطلاعات) مصری حکام نے فلسطین کے علاقے غزہ کی پٹی سے تعلق رکھنے والے طلباء کے ایک وفد کو بیرون ملک جامعات میں تعلیم جاری رکھنے کے لیے مصر کے راستے سفر کرنے سے روک دیا۔
فلسطین نیوز کو موصول ہونے والی اطلاعات کے مطابق غزہ کی پٹی کے 100 طلباء وطالبات بیرون ملک جامعات میں اپنے تعلیمی مشن پر جانے کے لیےرفح گذرگاہ پر پہنچے تو مصری حکام نے انہیں بیرون ملک جانے سے روک دیا۔ذرائع کا کہنا ہے کہ مصری حکام نے فلسطینی طلبا و طالبات کے ساتھ توہین آمیز سلوک کیا جس پر وہاں پر موجود دیگر مسافروں میں بھی غم وغصے کی لہر دوڑ گئی تھی۔
واپس کیے گئے فلسطینی کئے گھنٹوں کے طویل انتظار کے بعد واپس کیے گئے۔ طلباء کا کہنا ہے کہ ان کے پاس بیرون ملک سفر کے لیے تمام ضروری کوائف موجود تھے مگر مصری حکام نے بغیر کسی وجہ کے انہیں بیرون ملک جامعات میں اپنی تدریس جاری رکھنے کے لیے سفر سے روک دیا۔
ادھر فلسطینی وزارت داخلہ کی طرف سے جاری کردہ ایک بیان میں کہا گیا ہے کہ گذشتہ روز 529 فلسطینی رفح گذرگاہ سے بیرون ملک روانہ ہوئے۔