فلسطین نیوز کو موصول ہونے والی اطلاعات کے مطابق اسرائیل کے عبرانی اخبار’ہارٹز‘ نے اپنی رپورٹ میں بتایا ہے کہ غزہ کے مریضوں پر فلسطینی اتھارٹی کی طرف سے عائد کردہ سفری پابندیوں پر سخت عالمی رد عمل سامنے آیا تھا جس کے بعد رام اللہ حکومت غزہ کے مریضوں کو دوسرے شہروں میں علاج کے لیے لے جانے کی اجازت دینے پر تیار ہوگئی ہے۔ کل اتوار سے غزہ کے مریضوں کو دوسرے فلسطینی شہروں میں لے جانے کا سلسلہ شروع کیا جائے گا۔
رپورٹ کے مطابق فلسطینی اتھارٹی کی طرف سے غزہ کے مریضوں پر عائد پابندیاں اٹھانے کے حوالے سے فلسطینی اور اسرائیلی انتظامیہ کےدرمیان بھی رابطہ ہوا ہے۔ صہیونی حکومت کی طرف سے فلسطینیوں کے لیے مقرر کردہ رابطہ کار ’بولی مرد خائی‘ Â اور فلسطینی انتظامیہ کے درمیان رابطہ ہوا ہے۔
رپورٹ کے مطابق فلسطینی اور اسرائیلی انتظامیہ کے درمیان غزہ کے مریضوں کو دوسرے فلسطینی شہروں کے اسپتالوں میں داخل کرنے کی اجازت پر اتفاق رائے پایا گیا ہے۔ عالمی دباؤ کے بعد فلسطینی اتھارٹی کی وزارت صحت نے غزہ کے مریضوں کو غرب اردن اور دوسرے فلسطینی علاقوں میں قائم اسپتالوں میں داخل کرنے کی اجازت فراہم کی جائے گی۔
خیال رہے کہ فلسطینی اتھارٹی کی جانب سے ایک ہفتہ قبل غزہ کی پٹی کے اسپتالوں میں زیرعلاج Â مریضوں کو دوسرے فلسطینی شہروں میں قائم اسپتالوں میں داخل کرنے پر پابندی عائد کردی گئی تھی، جس کے نتیجے میں چار بچوں سمیت ایک درجن فلسطینی علاج کی سہولت نہ ملنے کے باعث اسپتالوں میں دم توڑ چکے ہیں۔