غزہ (فلسطین نیوز۔مرکز اطلاعات) غزہ کی پٹی سے تعلق رکھنے والے سینکڑوں فلسطینیوں نے حماس کی مسلح ونگ القسام بریگیڈز کے چھ شہداء کے جنازے میں بھرپور شرکت کر کے انہیں اس جہان فانی سے الوداع کیا۔
فلسطین نیوز کو موصول ہونے والی اطلاعات کے مطابق القسام بریگیڈز کی جانب سے جاری کردہ ایک بیان میں بتایا گیا کہ اس کے چھ جنگجو الزوابدہ میں ایک پیچیدہ سیکیورٹی آپریشن کے دوران شہید ہوگئے تھے۔ بیان میں بتایا گیا تھا کہ واقعہ کی مزید تفصیلات کچھ عرصے کے بعد واضح کی جائینگی۔ان شہداء کی شناخت محمود الاستاذ، وسام ابو محروک، طاہر شاہین، موسیٰ سلمان، محمود الطواشی اور محمود القیشاوی کے نام سے کی گئی ہے۔