(فلسطین نیوز۔مرکز اطلاعات) فلسطین کے علاقے غزہ کی پٹی میں جمعہ کے روز اسلامی تحریک مزاحمت ’’حماس‘‘ کے عسکری ونگ القسام بریگیڈ سے تعلق رکھنے والا ایک نوجوان دوران تربیت جام شہادت نوش کرگیا۔
رپورٹ کے مطابق فلسطینی وزارت صحت کے ترجمان ڈاکٹر اشرف القدرہ نے بتایا کہ غزہ کے جنوبی علاقے رفح میں ایک تربیت کیمپ کے دوران تربیتی مشقوں میں مصروف ایک 22 سالہ مزاحمت کارایک حادثے کے نتیجے میں شہید ہوگیا۔
شہید ہونے والے نوجوان کی شناخت ایوب الاخرس کے نام سے کی گئی ہے۔ القسام بریگیڈ اور حماس کی جانب سے اپنے کارکن کی حادثاتی موت پر دکھ اور افسوس کا اظہار کیا ہے۔