غزہ (فلسطین نیوز۔مرکز اطلاعات) صہیونی فوجیوں نے فلسطین کے علاقے غزہ کی پٹی میں ایک عمر رسیدہ فلسطینی شہری کو گولیاں مار کر شہید کردیا۔
فلسطین نیوز کو موصول ہونے والی اطلاعات کے مطابق غزہ کی پٹی میں اسرائیلی فوجیوں نے بدھ کو وسطی غزہ میں المغازی کےمقام پر 78 سالہ ابراہیم العروقی کو گولیاں مارکر شہید کردیا۔فلسطینی محکمہ صحت کی طرف سے جاری کردہ بیان میں فلسطینی شہری کی شہادت کی تصدیق کی گئی ہے۔
محکمہ صحت کے ترجمان کے مطابق مشرقی المغازی کیمپ میں اسرائیلی فوجیوں نے نہتے شہریوں کے گھروں پر گولیاں چلائیں جس کے نتیجے میں 78 سالہ ابراہیم احمد نصار العروقی شہید ہوگیا۔