غزہ (فلسطین نیوز۔مرکز اطلاعات) منگل اور بدھ کی درمیانی شب فلسطین کے علاقے غزہ کی پٹی میں صیہونی ریاست کے جبرو تشدد، ناکہ بندی اور حق واپسی سے محروم رکھے جانے کے خلاف مظاہرے کیے گئے۔ دوسری جانب اسرائیلی فوج نے مظاہرین کو منتشر کرنے کے لیے ان پر لاٹھی چارج کیا جس کے نتیجے میں 8 فلسطینی زخمی ہوگئے۔
فلسطین نیوز کو موصول ہونے والی اطلاعات کے مطابق غزہ کی مشرقی اور شمالی سرحد پر رات کے وقت فلسطینیوں کے مظاہرے جاری رہے۔ فلسطینی نوجوانوں نے اسرائیلی فوج پر سنگ بناری کی اور صیہونی کالونیوں پر آتش گیر کاغذی جہاز بھی پھینکے۔رپورٹ کے مطابق مشرقی بیت حانون اور میں اسرائیلی فائرنگ سے تین فلسطینی زخمی ہوئے جب کہ تین فلسطینی جبالیا کے مقام پر اسرائیلی فائرنگ کی زد میں آکر زخمی ہوگئے۔
رپورٹ کے مطابق غزہ کی مشرقی سرحد پر فلسطینیوں نے ٹائر جلائے اور روشنی کے لیے لیزر لائٹس جلائیں۔
فلسطینی مظاہرین نے بلند آواز میں اسرائیلی ریاستی دہشت گردی کے خلاف شدید نعرے بازی کی۔ دوسری طرف سے اسرائیلی فوج نے فلسطینی مظاہرین پر فائرنگ کی دھواں چھوڑنے والے گولے برسائے۔
خیال رہے کہ 30 مارچ 2018ء کے بعد سے غزہ کی پٹی میں جاری مظاہروں کے دوران اسرائیلی ریاستی دہشت گردی کے نتیجے میں 203 فلسطینی شہید اور 21 ہزار سے زائد زخمی ہوچکے ہیں۔