مرکزاطلاعات فلسطین کے مطابق غزہ کی پٹی میں گذرگاہ امور کے انچارج ماہرابو صبحہ نے بتایا کہ ہفتے کے روز گذرگاہ کھلنے کے بعد مصرکی جانب پھنسے ہوئے 228 مسافر غزہ میں داخل ہوئے جبکہ بیرون ملک جانے والوں کی تعداد چھ سو کے قریب تھی۔
خیال رہے کہ مصری حکام نے ہفتے کے روز رفح گذرگاہ کو دو طرفہ آمد ورفت کے لیے تین تک کھولنے کا اعلان کیا تھا۔ مصری حکومت کے اس اقدام کے بعد غزہ کی پٹی میں پھنسے شہریوں کی بیروملک روانگی سہولت ہوئی ہے۔
رفح گذرگاہ غزہ کی پٹی کی بین الاقوامی برادری سے رابطے کا واحد ذریعہ ہے لیکن جولائی 2013 ء کو مصرمیں فوجی بغاوت اور ملک کے منتخب صدر ڈاکٹر محمد مرسی کا تختہ الٹے جانے کے بعد رفح گذرگاہ کو بھی بند کردیا گیا تھا۔ مصری فوج کا کہنا ہے جزیرہ سینا میں سرگرم عسکری گروپ رفح گذرگاہ کو استعمال کرتے رہے ہیں اور اس بہانے کی آڑ میں غزہ کی پٹی کے دو ملین لوگوں کا ناطقہ بند کیا گیا۔
بشکریہ:مرکزاطلاعات فلسطین