مرکزاطلاعات فلسطین کے مطابق غزہ کی پٹی کا محاصرہ ختم کرانے میں سرگرم یورپی مہم کے چیئرمین مازن کحیل نے یونان کے شہر ایتھنز میں صحافیوں کو بتایا کہ حال ہی میں "فلوٹیلا” میں شامل گروپوں اور نمائندہ شخصیات کا اہم اجلاس ہوا جس میں فیصلہ کیاگیا ہے کہ غزہ کی پٹی کے لیے امدادی سامان پر مشتمل بحری جہازوں کا قافلہ آئندہ چند ایام میں روانہ کردیا جائے گا۔ مازن نے بتایا کہ اس وقت کئی امدادی جہاز ایھتنز پہنچ چکے ہیں اور مزید بھی آ رہے ہیں۔ ان کی غزہ کی پٹی کے لیے سمندری راستے سے روانگی کی تیاریوں کو حتمی شکل دی جا رہی ہے۔
انہوں نے بتایا کہ اس بات "فریڈم فلوٹیلا 3 ” میں ایک سو سے زائد عالمی شخصیات، صحافی، سماجی کارکن، انسانی حقوق کے مندوبین، ارکان پارلیمنٹ اور سیاست دان شامل ہوں گے۔ مازن کحیل کا کہنا تھا کہ ایتھنز میں منتظمین کے اجلاس میں فریڈم فلوٹیلا کے راستے میں حائل مشکلات بالخصوص صہیونی فوج کی جانب سے ممکنہ جارحیت پربھی غور کیا گیا۔ اجلاس کے تمام شرکاء نے ہرصورت میں امدادی جہاز غزہ لے جانے کے عزم کا اظہار کیا اور کہا کہ وہ صہیونی جارحیت کا چیلنج قبول کرتے ہوئے امدادی جہازوں کو غزہ کی پٹی کےمحصورین تک لے جانے کی پوری کوشش کریں گے۔
بشکریہ:مرکزاطلاعات فلسطین