یورپی ملک فرانس سے تعلق رکھنے والے ڈاکٹروں کی ایک ٹیم نے فلسطینی شہر غزہ کی پٹی کا اپنا ایک ہفتے کا دورہ مکمل کر لیا ہے۔فرانسیسی ڈاکٹروں نے ایک ہفتے کے قیام کے دوران غزہ کے 25 مریضوں کے کامیاب آپریشن کیے۔
یورپی ڈاکٹروں کی قیادت فرانس کے ڈاکٹر کریسٹوف اپرلین کر رہے تھے۔ انہوں نے مریضوں کی تمام کامیاب سرجری کی کارروائیاں غزہ کے الشفاء اسپتال میں مکمل کیں۔ بعض مریضوں کے ہاتھوں کے ریشے ناکارہ ہو گئے تھے۔ انہیں آپریشن کی مدد سے ٹھیک کیا گیا ہے۔
وفد کے فلسطینی معاون اور "فلسطین چائلڈ ریلیف ارگنائیزیشن” کے رکن سہیل فلیفل نے میڈیا کو بتایا کہ فرانسیسی ڈاکٹروں کی جانب سے غزہ کی پٹی میں مریضوں کی کامیاب سرجری پہلی مرتبہ نہیں کی گئی بلکہ ماضی میں بھی فرانس کے طبی ماہرین مغربی کنارے اور غزہ کی پٹی میں فلسطینی مریضوں کی مفت طبی مدد کرتے رہے ہیں۔
ایک سوال کے جواب میں سہیل فلیفل کا کہنا تھا کہ فرانسیسی ماہرین نہ صرف مریضوں کے خود آپریشن کرتے رہے بلکہ انہوں اسپتال میں مستقل فرائض انجام دینے والے ڈاکٹروں، نرسوں اور عملے کے دیگر ارکان کی بھی رہ نمائی کی اور انہیں پیشہ وارانہ امور میں معاونت بہم پہنچائی ہے۔
بشکریہ:مرکزاطلاعات فلسطین