مرکز اطلاعات فلسطین کے مطابق ترکی کی جانب سے فلسطینی شہداء کے خاندانوں کی کفالت کا اعلان فلسطینی وزارت برائے سماجی امور کے ساتھ تعاون کے ایک سمجھوتے کے تحت کیا گیا ہے۔ ترک حکومت ہلال احمر ترکی کے توسط سے غزہ کی پٹی کے شہداء کے 200 یتیم بچوں کی کفالت کرے گی۔
فلسطینی سیکرٹری برائے سماجی امور ڈاکٹر یوسف ابراہیم اور ترکی کی ہلال احمر کےغزہ کی پٹی کے لیے ڈائریکٹر اردا ترھان نے مشترکہ تعاون کے پروٹوکول پر دستخط کیے۔
ترک حکام سے ملاقات کے بعد میڈیا سے بات چیت کرتے ہوئے ڈاکٹر یوسف ابراہیم کا کہنا تھا کہ ترکی غزہ کی پٹی کے 18 سال سے کم عمر کے 2000 یتیم بچوں کی کفالت کرے گا اور انہیں فی کس ماہانہ 400 شیکل یا ایک سو تین ڈالر معاوضہ ادا کیا جائے گا۔
انہوں نے ترک حکومت کی جانب سے غزہ کے جنگ سے متاثرہ خاندانوں کی کفالت کرنے کے اعلان پر خصوصی شکریہ ادا کیا اور امید ظاہر کی کہ ترکی کے اس اقدام کو دوسرے مسلمان ممالک بھی اپنائیں گے۔ انہوں نے کہا کہ کفالت پروگرام کے نتیجے میں غزہ کی پٹی میں شہریوں کو اپنی مشکلات کے حل پر قابو پانے میں مدد ملے گی۔
بشکریہ:مرکزاطلاعات فلسطین