مرکزاطلاعات فلسطین کے مطابق یہ بات فلسطینی وزیر برائے آباد کاری و افرادی قوت مفید الحساینہ نے غزہ میں ایک نیوز کانفرنس کے دوران کہی۔ انہوں نے کہا کہ غزہ کی پٹی میں ایک سال قبل اسرائیل نے دو ماہ تک مسلسل کارپٹ بمباری کرکے شہر کی اینٹ سےاینٹ بجا کر رکھ دی ہے۔ ہزاروں خاندانوں کو سرچھپانے کے لیے مکان کی سہولت میسرنہیں۔ عالمی برادری نے پچھلے سال اکتوبرمیں مصر میں ہونے والی ڈونرکانفرنس میں پانچ ارب ڈالرامداد فراہم کرنے کے وعدے کیے تھے مگرعملا ابھی تک صرف دو سو ملین ڈالر کی رقم فراہم کی گئی ہے۔
انہوں نے بتایا کہ فلسطینی حکومت نے وادی غزہ میں سوریج لائن کی کھدائی کے لیے چار ملین شیکل کی رقم مختص کی ہے۔ جلد ہی اس منصوبے پر کام شروع کردیا جائے گا۔ انہوں نے کہا کہ فلسطینی حکومت بارشوں کے موسم میں اسرائیل کی جانب سے ڈیموں کا پانی چھوڑنے ہونے والی تباہ کاریوں کی روک تھام کے لیے بھی انتظامات کیے جا رہےہیں۔
بشکریہ:مرکزاطلاعات فلسطین