مرکز اطلاعات فلسطین کے مطابق حیفا میں جرمن کالونی میں انسانی حقوق کی تنظیموں اور سماجی انجمنوں کی اپیل پر آج ہفتے کو ایک بڑی ریلی کا اہتمام کیا گیا، جس میں ہزاروں شہریون نے شرکت کی۔ اسرائیلی پولیس اور اسپیشل فورس کے دستوں نے ریلی کو گھیر کر مظاہرین پر لاٹھی چارج کیا اور ریلی کا انتظام کرنے والے سولہ سماجی کارکنوں کو حراست میں لے کر حراستی مراکز میں منتقل کر دیا گیا ہے۔
صہیونی فوج اور پولیس کا کہنا ہے کہ حیفا میں احتجاجی مظاہرے کرنے کی اجازت نہیں ہے۔ حراست میں لیے گئے فلسطینیوں نے قانون ہاتھ میں لینے کی کوشش کی تھی جس انہیں حراست میں لیا گیا ہے۔
مظاہرے کے منتظمیں نے صہیونی فوج کی اس حیلہ سازی کو مسترد کر دیا ہے اور کہا ہے کہ صہیونی پولیس اور فوج دانستہ طور پر فلسطینی شہریوں کے آزادی اطہار رائے پر پابندی لگانے کی کوشش کر رہی ہے۔ انہوں نے بتایا کہ احتجاجی ریلی پر اسرائیلی پولیس اہلکاروں نے وحشیانہ تشدد کیا اور اشک آور گیس کے شیلنگ کی جس کے نتیجے میں متعدد افراد زخمی بھی ہوئے ہیں۔
حراست میں لیے جانے والوں میں سہل ابو احمد، حول الیاس، یاسر شواھنہ، انیس الیاس، حسن صفدی، ساھر حریس، مارسل کیال، متعصم زیدان، خاتون رہ نما آلاء طھ، زکریا محارب، امیر جبارین اور امیر مرشی شامل ہیں۔