مرکزاطلاعات فلسطین کو موصول ہونے والی اس رپورٹ میں بتایا گیا ہے کہ صنعت کے تمام ذیلی شعبے صہیونی فوج کی مسلط کی گئی وحشیانہ جنگ سے براہ راست یا بالواسطہ طورپر متاثر ہوئے ہیں۔ فوڈ کی صنعت کو 55.2 فی صد نقصان اٹھانا پڑا، تعمیراتی صنعت کو 14.2 ، پلاسٹک کی صنعت کو 7.7 ، معدنیات کےشعبے کو 6.9 ، کیمیکل فیکٹریوں کو 5.1 فی صد۔ ووڈ انڈسٹری کو 2.8 اور دیگر صنعتی شعبوں کو مجموعی طورپر 7.2 فی صد نقصان اٹھانا پڑا۔
رپورٹ کی تیاری میں اوقوام متحدہ کے ادارہ برائے صنعتی ترقی نے بھی اہم کردار ادا کیا۔ اس کے علاوہ کئی فلسطینی اور غیرملکی اداروں نے بھی غزہ کی پٹی میں صنعت کے شعبے کو اسرائیلی حملوں سے پہنچنے والے نقصان کے اعدادو شمار جمع کرنے میں اہم کردار ادا کیا۔
نقصان کی تفصیلات جمع کرنے والی کمیٹی کے سربراہ عبدالناصر عواد کا کہنا ہے کہ غزہ کی پٹی میں صنعت کا کوئی ایسا ایک شعبہ بھی نہیں جو صہیونی بمباری سے براہ راست ماثر نہ ہوا ہو۔ وہیکل انڈسٹری، انجینیرنگ، پروڈکشن، خام مال اور تیاری شدہ مصنوعات کو بھی تباہ کیا گیا۔
خیال رہے کہ پچھلے سال جولائی اور اگست کے دوران غزہ کی پٹی پر اسرائیلی فوج کے زمینی، فضائی اور بحری اطراف سے کیے گئے حملوں میں 2311 معصوم فلسطینی شہید اور ہزاروں کی تعداد میں زخمی ہوگئے تھے۔
بشکریہ:مرکزاطلاعات فلسطین