غزہ (فلسطین نیوز۔مرکز اطلاعات) مصر کی قومی سلامتی کا ایک اعلیٰ اختیاراتی وفد گذشتہ اچانک غزہ کی پٹی کا دورہ کیا جہاں وفد نے اسلامی تحریک مزاحمت (حماس) کی مقامی کی قیادت سے ملاقات کی۔ اس ملاقات میں فلسطینی دھڑوں کے درمیان قاہرہ کی ثالثی سے جاری مصالحتی عمل اور اسرائیل کے ساتھ جنگ بندی پر تبادلہ خیال کیا گیا۔
فلسطین نیوز کو موصول ہونے والی اطلاعات کے مطابق مصری وفد غرب اردن کے راستے غزہ پہنچا جہاں اس نے رام اللہ میں فلسطینی اتھارٹی کے حکام سے بھی ملاقات کی۔ بعد ازاں بیت حانو (ایریز) گذرگاہ کے راستے وفد غزہ داخل ہوا۔ وفد میں میجر جنرل احمد عبدالخالق اور مشیر مصطفیٰ شحاتہ سمیت دیگر حکام شامل تھے۔ذرائع نے کہا کہ مصری سلامتی کے عہدیداروں کے وفد نے غزہ میں حماس کی قیادت سے ملاقات کی اور ان سے قومی مصالحتی امور پر تبادلہ خیال کیا۔ اس موقع پر مصری وفد نے فلسطینی دھڑوں کے درمیان مصالحتی کوششوں کو آگے بڑھانے، غزہ کی ناکہ بندی ختم کرانے اور فلسطینی مزاحمتی تنظیموں اور اسرائیل کے درمیان جنگ بندی کو توسیع دینے کے حوالے سے ہونے والی کوششوں اور پیش رفت سے اْگاہ کیا۔