(فلسطین نیوز۔مرکز اطلاعات) فلسطین کے علاقے غزہ کی پٹی کے 2318 عازمین حج کا پہلا قافلہ کل منگل کو مصرسے متصل رفح گذرگاہ کے راستے حجاز مقدس روانہ ہوا۔
فلسطین نیوز کو موصول ہونے والی اطلاعات کے مطابق غزہ کے گذرگاہ امور کے انچارج ھشام عدوان نے بتایا کہ مصری حکام کی طرف سے ہنگامی بنیادوں پر غزہ کے 2318 عازمین حج کے بیرون ملک روانگی کے لیے رفح گذرگاہ تین دن تک کھولنے کا اعلان کیا ہے جس کے بعد گذشتہ روز عازمین حج کا پہلا قافلہ حجاز مقدس کے لیے مصر روانہ ہو گیا۔انہوں نے بتایا کہ رفح گذرگاہ سے تین روز تک مسلسل عازمین حج کے قافلہ مصر روانہ ہوتے رہیں گے۔ ہر قافلے میں 266 فلسطینی عازمین حج کو روانہ کیا جا رہا ہے۔ غزہ کےعازمین حج مصر کے قاہرہ ہوائی اڈے تک بس کے ذریعے سفر کریں گے۔ وہاں سے جدہ میں قائم شاہ عبدالعزیز بین الاقوامی ہوائی اڈے تک جہاز کے ذریعے سفر کریں گے۔