(فلسطین نیوز۔مرکز اطلاعات) صیہونی فوجیوں نے غزہ پٹی میں چار فلسطینیوں کو گولی مار کر زخمی کر دیا
فلسطین نیوز کو موصول ہونے والی اطلاعات کے مطابق جمعے کو غزہ پٹی میں فلسطینیوں اورصیہونی فوجیوں کے درمیان ہونے والی جھڑپ میں کم سے کم چار فلسطینی زخمی ہوگئے- صیہونی فوجیوں نے اینٹ پتھر پھینکنے والے فلسطینیوں پر فائرگ کردی جس کے نتیجے میں چار فلسطینی زخمی ہوگئے۔رپورٹ کے مطابق صیہونی فوجیوں نے غزہ پٹی میں واقع مشرقی البریج کیمپ اور غزہ کے الشجاعیہ محلے پردھاوا بولا جس کے نتیجے میں فلسطینیوں سے ان کی جھڑپیں شروع ہوگئیں۔
ان جھڑپوں میں صیہونی فوجیوں نے جنگی ہتھیاروں کا استعمال کیا اور فلسطینیوں پربراہ راست فائرنگ کی جس میں تین فلسطینی زخمی ہوگئے جبکہ ایک فلسطینی مشرقی البریج میں صیہونیوں کی فائرنگ کے نتیجے میں زخمی ہوا ہے۔