غزہ میں فلسطینی مظاہرین پر اسرائیلی فوج کی گولہ باری

اسرائیلی فوج نے فلسطین کے علاقے غزہ کی پٹی کے شمال اور مشرق کی اطراف سے شہر کے اندر گولہ باری کی ہے جس کے نتیجے میں متعدد مکانات اور فصلوں‌ کو نقصان پہنچا تاہم اس میں کسی جانی نقصآن کی اطلاع نہیں ملی۔
مرکز اطلاعات فلسطین کے مطابق جمعہ کے روز اسرائیلی فوج نے ٹینکوں کی مدد سے غزہ کے مشرقی، وسطی اور شمالی گورنریوں میں‌ گولہ باری کی۔

غزہ میں ایک مقامی ذریعے نے بتایا کہ سرحد پر متمرکز صہیونی فوجیوں ‌نے غزہ میں احتجاجی مظاہرہ کرنے والے شہریوں پر گولہ باری اور ان پر گیس کے گولے بھی پھینکے یہ معلوم نہیں‌ ہوسکا کہ آیا اس کے نتیجے میں کسی قسم کا جانی نقصان ہوا ہے یا نہیں۔

ادھر اسرائیلی فوج نے مشرقی غزہ میں السناطی، عبسان، مشرقی خان یونس اور جنوبی علاقوں میں گولہ باری کی جس کے نتیجے میں بڑے پیمانے پر فصلوں کو نقصان پہنچا ہے۔

یاد رہے کہ گذشتہ برس جولائی اور اگست کے دوران اسرائیل کی غزہ پر مسلط کردہ جنگ کے بعد فلسطینی مزاحمت کاروں اور اسرائیل کے درمیان مصر کی ثالثی کے تحت عارضی جنگ بندی کا ایک معاہدہ ہوا تھا تاہم اس معاہدے کے باوجود اسرائیلی فوج غزہ کی پٹی پر بلا اشتعال گولہ باری اور دراندازی کا سلسلہ جاری رکھے ہوئے ہے۔

بشکریہ:مرکزاطلاعات فلسطین