غزہ – (فلسطین نیوز۔مرکز اطلاعات) فلسطین کے علاقے غزہ کی پٹی نے ایک مفرور ملزم کو تین سال کے بعد دوبارہ حراست میں لے کر جیل میں قید کیا ہے۔
فلسطین نیوز کو موصول ہونے والی اطلاعات کے مطابق غزہ کی پٹی میں پراسیکیوٹر جنرل کا کہنا ہے کہ پولیس نے ایک مفرور ملزم کو دھوکہ دہی کے ذریعے عدالت سے فرار کے تین سال بعد دوبارہ حراست میں لے لیا ہے۔بھوت کے لقب سے مشہور ملزم تین سال سے عدالت سے فرارہوگیا تھا۔ پولیس مسلسل تین سال سے اس کی تلاش میں تھی۔ گذشتہ روز اسے پولیس نے ایک جگہ پر چھاپہ مار کر حراست میں لے لیا۔
پراسیکیوٹر اسماعیل جبر کا کہنا ہے کہ مفرور ملزام پر شہریوں سے دھوکہ اور فراڈ کے ذریعے رقوم بٹورنے کا الزام عائد کیا گیا ہے۔ ملزم نے حجاج کرام کے ساتھ بھی فراڈ کیا تھا اور دھوکہ دہی کے ذریعے شہریوں سے 3 لاکھ ڈالر بٹور لیے تھے۔