اسرائیلی وزیردفاع موشے یعلون نے کہا ہے کہ اسرائیل غزہ کی پٹی سے یہودی کالونیوں پر فلسطینی مزاحمت کاروں کے راکٹ حملے کسی قیمت پر برداشت نہیں کرے گا۔
انہوں نے کہا کہ غزہ کی پٹی سے اسرائیل پر راکٹ حملے جنگ بندی توڑنے کے مترادف سمجھا جائے گا۔
مرکز اطلاعات فلسطین کے مطابق یہودی کالونی ”شاعر ھنیگیو” میں ایک تقریب سے خطاب کرتے ہوئے انہوں نے کہا کہ اسلامی تحریک مزاحمت – حماس کے راکٹ کے خوف سے شہریوں کو نکالنا حکومت اور سیکیورٹی اداروں کی ذمہ داری ہے۔
موشے یعلون کا کہنا تھا کہ غزہ کی پٹی پر جنگ کے دوران حماس کو شدید دھچکا لگا ہے جس کے بعد اب وہ حماس سے جنگ بندی معاہدے پر عمل درآمد کی توقع کرتے ہیں۔
بشکریہ:مرکزاطلاعات فلسطین