فلسطین نیوز کو موصول ہونے والی اطلاعات کے مطابق غزہ کی پٹی میں ٹھیکیدار یونین کے چیئرمین اسامہ کحیل نے خبردار کیا ہے کہ اسرائیل کی طرف سے غزہ اردن کے راستے غزہ کو سیمنٹ کی سپلائی مزید محدود کر دی ہے جس کے نتیجے میں جنگ زدہ علاقے میں جاری تعمیراتی منصوبے ٹھپ ہو گئے ہیں۔
انہوں نے خبردار کیا کہ غزہ کو سیمنٹ کی سپلائی پرعائد پابندیاں برقرار رہیں تو اس کے سنگین نتائج سامنے آئیں گے جن کی ذمہ داری صہیونی ریاست پرعائد ہو گی۔
اسامہ کحیل نے کہا کہ افسوس اس بات پر ہے کہ فلسطین میں سرکاری، عوامی اور علاقائی سطح پر غزہ کی پٹی کو درکار سیمنٹ کی فراہمی کے لیے اسرائیل پر دباؤ ڈالنے کا کوئی مطالبہ نہیں کیا جا رہا ہے جس کے نتیجے میں صہیونی ریاست اپنی مرضی سے کسی دن چند درجن سیمنٹ کے بیگ غزہ کو روانہ کر دیتی ہے۔ صہیونی انتظامیہ کی طرف سے فلسطینیوں کے ساتھ سراسر مذاق کیا جا رہا ہے۔
ایک سوال کے جواب میں کحیل نے کہا کہ صہیونی انتظامیہ کی طرف سے غزہ کو 140ٹرک سیمنٹ روانہ کرنے کے بجائے صرف 80 ٹرک سیمنٹ روانہ کی جاتی ہے۔