مرکزاطلاعات فلسطین کے مطابق اقوام متحدہ کے زیرانتظام ’’ترقیاتی پروگروم‘‘ کے تحت تباہ شدہ عمارتوں کا ملبہ ہٹانے کا کام شروع کیا گیا ہے۔ اگرچہ ملبہ کی صفائی کا کام رواں سال کے شروع سے جاری ہے تاہم اس میں اب مزید تیزی لائی گئی ہے اور ہزاروں ٹن ملبہ تلف کیاجا رہا ہے۔
عالمی ادارے کی جانب سے جاری ایک بیان میں بتایا گیا ہے کہ غزہ کی پٹی میں تباہ شدہ عمارتوں کے ملبے کو تلف کرنے کا کام کامیابی کے ساتھ جاری ہے اور نصف ملین ٹن کے قریب عمارتی ملبہ 270 مقامات پرتلف کیا جا رہا ہے۔ عمارتی ملبہ ہٹانے کے ساتھ ساتھ تعمیراتی کام میں بھی تیزی لائی گئی ہے۔ بیان میں بتایاگیا ہے کہ سویڈن، جاپان اور امریکا کے ترقیاتی ادارے کے تعاون سے 14 ملین ڈالر کی رقم سے ملبہ ہٹانے کا پروگرام شروع کیا گیا تھا۔
عالمی ادارے کا کہنا ہے کہ غزہ کی پٹی میں عمارتی ملبے کو بھی کام میں استعمال میں لانے کی کوششیں جاری ہیں۔ 60 ٹن ملبے کو سڑکوں کی تعمیر پرصرف کیا جا رہا ہے۔ اس کے علاوہ بھی عمارتی ملبہ کئی دوسرے مقاصد اور تعمیرات ہی کے مقاصد میں کام آسکتا ہے۔
خیال رہے کہ اسرائیل کی جانب سے پچھلے سال غزہ کی پٹی پر مسلط کی گئی جنگ کے نتیجے میں ہزاروں کی تعداد میں مکانات تباہ ہوگئے تھے۔
بشکریہ:مرکزاطلاعات فلسطین