رپورٹ میں بتایا کہ تین غیر مسلح فلسطینیوں کو جو مبینہ طورپر جنوبی فلسطین میں داخل ہونے کی کوشش کررہے تھے غز کی سرحد پر لگی باڑ کے قریب سے حراست میں لے لیے گئے ہیں۔ یہ گرفتاریاں غزہ کے قریب اشکول کےمقام سے کی گئیں۔
رپورٹ کے مطابق فوجی ذریعے کے حوالے سے بتایا کہ ابتدائی تفتیش سے پتا چلا ہے کہ غزہ سے جنوبی فلسطین کی جانب دراندازی کرنے والے تینوں فلسطینی غیر مسلح تھے۔ وہ جنوبی فلسطین میں کام کاج کی غرض سے جانا چاہتے تھے۔ فوج نے تینوں کو حراست میں لینے کے بعد سرحد پر سیکیورٹی ہائی الرٹ ختم کردیا ہے۔
خیال رہے کہ ہفتے کو علی الصباح جنوبی غزہ میں خان یونس شہر کے مشرق میں واقع اشکول یہودی سوسائٹی میں اسرائیلی فوج نے ہنگامی حالت نافذ کردی تھی۔ اسرائیلی فوج کی جانب سے کہا گیا تھا کہ تین مشتبہ فلسطینی سرحدی باڑ عبور کرکے جنوبی فلسطینی علاقوں میں داخل ہوئےہیں جن کی تلاش کے لیے ہنگامی حالت نافذ کی گئی ہے۔