غزہ (فلسطین نیوز۔مرکز اطلاعات) فلسطینی تنظیم اسلامی جہاد نے کل اتوار کے روز سیکڑوں صیہونی بلوائیوں کے مسجد اقصیٰ پر دھاوؤں اور عبادت کی آڑ میں مقدس کیÂ بے حرمتی کی شدید الفاظ میں مذمت کی ہے۔ اسلامی جہاد کا کہنا ہے کہ غصب صیہونی برائی کا مافیا ہیں جن کے ہاتھوں مسجد اقصیٰ کی حرمت مسلسل پامال ہو رہی ہے۔ اس برائی کے مافیا سے قبلہ اوّل کو بچانا تمام مسلمانوں کی اجتماعی ذمہ داری ہے۔
فلسطین نیوز کو موصول ہونے والی اطلاعات کے مطابق اسلامی جہاد کی طرف سے جاری کردہ ایک بیان میں کہا گیا ہے کہ صیہونی شرپسند اسرائیلی حکومت اور ریاستی اداروں کی سرپرستی میں قبلہ اوّل کی بے حرمتی کے مرتکب ہو رہے ہیں۔ انہوں نے کہا کہ صیہونی آباد کار اور اسرائیلی ریاست دونوں القدس اور الاقصیٰ کے حوالے سے مذہبی دہشت گردی کے مرتکب ہیں۔ مسجد اقصیٰ کی مسلسل بے حرمتی کسی بڑے طوفان کا پیشہ خیمہ بن سکتی ہے۔
اسلامی جہاد نے کہا کہ مسجد اقصیٰ کو جس طرح کے خطرات کا سامنا ہے اس کے لیے عالم اسلام کا فوری طورپر متحرک ہونا ضروری ہے۔ عالم اسلام اپنی ذمہ داریاں پوری کرے اور فلسطینی قوم بیداری کا ثبوت دیتے ہوئے قبلہ اوّل کے دفاع کے لیے اپنا فرض ادا کرے۔