غزہ (فلسطین نیوز۔مرکز اطلاعات) فلسطین کے علاقے غزہ کی پٹی پر اسرائیلی فوج کے جنگی طیاروں کی بمباری کا سلسلہ جاری ہے۔ کل ہفتے کو صیہونی فوج کے جنگی جہازوں نے دو بار غزہ کی سرحد پر بمباری کی۔
فلسطین نیوز کو موصول ہونے والی اطلاعات کے مطابق مقامی فلسطینی ذرائع کا کہنا ہے کہ اسرائیل کے بغیر پائلٹ ڈرون طیاروں نے غزہ کی مشرقی سرحد پر البریج کیمپ میں کاغذی جہاز اور گیسی غبارے داغنے والے فلسطینیوں کے قریب بمباری کی تاہم کوئی جانی نقصان نہیں ہوا۔فلسطین وزارت صحت کے مطابق اسرائیلی بمباری سے متاثرہ علاقے میں ٹیمیں روانہ کی گئیں مگر کسی قسم کے جانی نقصان کی تصدیق نہیں ہوسکی۔
ادھر غزہ کی پٹی کے شمالی علاقے میں بھی اسرائیلی جنگی طیاروں فلسطینیوں کے ایک گروپ کو بمباری سے نشانہ بنایا۔