غزہ (فلسطین نیوز۔مرکز اطلاعات) فلسطین کے علاقے غزہ کی پٹی پر اسرائیلی فوج کی وحشیانہ بمباری کے نتیجے میں کم سے کم دو فلسطینی شہید ہوگئے۔
فلسطین نیوز کو موصول ہونے والی اطلاعات کے مطابق اسرائیلی فوج کے جنگی جہازوں نے منگل کو علی الصباح شمالی غزہ میں فلسطینی آبادی پر بمباری کی۔ بمباری کے نتیجے میں دو فلسطینی شہید ہوگئے۔ادھر دوسری جانب اسلامی تحریک مزاحمت (حماس) کے عسکری ونگ عزالدین القسام بریگیڈ نے کہا ہے کہ شہید ہونے والے دونوں فلسطینی تنظیم کے کارکن ہیں۔ ان کی شناخت 23 سالہ احمد عبداللہ جمعہ مرجان اور 23 سالہ عبدالحافظ محمد عبدالحافظ السیلاوی کے نام سے کی گئی ہے۔ دونوں کو شمالی غزہ میں عسقلان کے مقام پر بمباری میں نشانہ بنا کر شہید کیا گیا۔