مرکزاطلاعات فلسطین کے مطابق وسطی غزہ کی پٹی میں الصبرہ کالونی کی جامع مسجد مجمع الاسلامی کے باہر الشیخ احمد یاسین شہید کی یاد میں ایک یادگار کے قیام کا فیصلہ کیا گیا ہے۔ جس کا باقاعدہ افتتاح کل ہفتے کی شام کیا گیا۔
اس موقع پرسابق فلسطینی وزیرزراعت علی الطرشاوی نےشیخ حمد یاسین شہید کی خدمات کو خراج عقیدت پیش کیا۔ انہوںے کہا کہ شیخ احمد یاسین پوری فلسطینی قوم کے لیے ایک نمونہ عمل ہیں۔ انہوں نے اپنی معذوری کو تحریک آزادی کے لیے جدود جہد کی راہ میں رکاوٹ نہیں بننے دیا بلکہ دشمن کا غرور خاک میں ملانے کے لیے ہرطرح کی قربانی پیش کی۔ حتیٰ کہ اپنی جان کی قربانی سے بھی دریغ نہیں کیا۔
انہوں نے شیخ احمد یاسین کی انتظامی اور تربیتی صلاحیتوں کا بھی اعتراف کیا اور کہا کہ ایک جہاندیدہ رہ نما کی طرح شیخ احمد یاسین وسیع خیالات کے مالک تھے۔ انہوں نے ایک ہی وقت میں فلسطینی قوم کی اخلاقی تربیت بھی کی اور ساتھ ہی ساتھ انہیں دشمن کے خلاف اپنے حقوق کے لیے لڑنے کا داعیہ بھی پیدا کیا۔
الشیخ احمد یاسین شہید کے مقام شہادت کی یادگاری تقریب میں حماس کی قیادت سمیت سیکڑوں شہریوں نے بھی شرکت کی۔ اس موقع پر الشیخ احمد یاسین کی زندگی پر بنائی گئی ایک دستاویزی فلم بھی چلائی گئی۔
بشکریہ:مرکزاطلاعات فلسطین