مرکزاطلاعات فلسطین کے مطابق غزہ میں توانائی اتھارٹی کےڈپٹی ڈائریکٹر فتحی الشیخ خلیل نے میڈیا کو بتایا کہ غزہ کی پٹی کے ایک گریڈ اسٹیشن نے کام کرنا شروع کیا ہے جس کے بعد غزہ کے 12 سیکٹرزکوچھ گھنٹے کے لیے بجلی کی فراہمی ممکن ہوگی۔
انہوں نے کہا کہ غزہ کی پٹی میں پاور جنریٹرکوچالو کرنے کے لیے قطر سےامدادی ایندھن کی آمد کا انتظار ہے۔ ایندھن پہنچنے کے بعد ہی بجلی کی فراہمی ممکن ہوسکے گی۔
الشیخ خلیل کا کہنا تھا کہ رام اللہ حکام کی جانب سے انہیں غزہ کےبجلی گھروں کوچلانےکے لیے ایندھن کی فراہمی سےمعذرت کی ہے۔ فلسطینی اتھارٹی کے وزیرخزانہ نے واضح طورپر کہہ دیا ہے کہ ان کے پاس غزہ کے بجلی گھروں کو چلانے کے لیے ایندھن نہیں ہے۔
فلسطینی عہدیدار نے عالمی برادری سے غزہ کی پٹی میں بجلی کے بحران کے حل میں مدد کی فراہمی کا مطالبہ کیا اور کہا کہ قطر کی جانب سے ایندھن پہنچنے سے قبل اہالیان غزہ کو اندھیرے سے نکالنا فلسطینی اتھارٹی اور عالمی برادری دونوں کی ذمہ داری ہے۔
بشکریہ:مرکزاطلاعات فلسطین