مرکز اطلاعات فلسطین کے مطابق الجزائر سے آنے والا امدادی قافلہ ’’الجزائر۔ غزہ 3‘‘ سوموار کی شام مصر کے راستے رفح گذر گاہ سے غزہ داخل ہوا۔ اکتوبر میں رفح گذرگاہ کی بندش کے بعد بیرون ملک سے یہ پہلے امدادی قافلہ ہے جو غزہ پہنچا ہے۔
الجزائری فلاحی ادارے اور غزہ کے امدادی مشن کے سربراہ محمد ابو مرعی نے غزہ پہنچنے پر میڈیا سے بات کرتے ہوئے بتایا کہ محصورین غزہ کی امدادی سرگرمیوں کے لیے الجزائر کے علماء، سول سوسائٹی اور مختلف شعبہ ہائے زندگی کے افراد نے بڑھ چڑھ کرحصہ لیا۔ انہوں نے بتایا کہ چھ بڑے ٹرکوں پر لائے گئے سامان میں ادویات، اسپتالوں میں مریضوں کے علاج کے لیے استعمال ہونے والے آلات اور مشینیں، خوراک، گرم کپڑے اور دیگر سامان شامل ہے۔
انہوں نے بتایا کہ الجزائری امدادی قافلہ ملک سے سمندری راستے سے روانہ ہونے کے بعد مصر کی العریش بندرگاہ پر اترا جہاں سے امدادی سامان ٹرکوں پر لاد کرغزہ روانہ کیا گیا۔
بشکریہ:مرکزاطلاعات فلسطین