البریج کیمپ میں اسرائیلی فوجیوں کی فائرنگ میں ایک فلسطینی شہید

(فلسطین نیوز۔مرکز اطلاعات) غزہ پٹی میں واقع البریج کیمپ کے مشرق میں اسرائیلی فوجیوں نے ایک فلسطینی کو گولی مار کر شہید کر دیا ہے۔

فلسطین نیوز کو موصول ہونے والی اطلاعات کے مطابق فلسطین کی وزارت صحت کے ترجمان نے کہا ہے کہ انیس سالہ فلسطینی نوجوان عبدالرحمن الدباغ صیہونی فوجیوں کی فائرنگ کے نتیجے میں شہید ہوا ہے۔ فلسطین کی وزارت صحت کے ترجمان کے مطابق اس فلسطینی نوجوان کی لاش الاقصی اسپتال پہنچا دی گئی ہے- مقبوضہ فلسطین اور غزہ پٹی کے سرحدی علاقوں میں ہر جمعے کو فلسطینی مظاہرین اور غاصب اسرائیلی فوجیوں کے درمیان جھڑپیں ہوتی ہیں۔