اسرائیل کے عبرانی ٹی وی 7 کی جانب سے نشر کردہ کرنل علیان کے نام سے منسوب بیان میں ان کا کہنا تھا کہ فلسطینی مزاحمت کاروں کے خلاف لڑائی انتہائی مشکل اور پیچیدہ تجربہ ثابت ہوا۔
خیال رہے کہ فلسطینی مزاحمت کاروں کے حملے میں کرنل غسان علیان خود بھی زخمی ہو گیا تھا۔ انہوں نے مزید کہا کہ غزہ میں زمینی آپریشن کے پہلے روز گولانی بریگیڈ کے 16 فوجی اہلکار ہلاک ہوئے۔ فوج کے لیے ایک روز میں اتنی بڑی تعداد میں فوجیوں کی ہلاکت غیر معمولی ہے۔ جیسے ہمیں اعلیٰ کمانڈ کی جانب سے ہدایت ملی کہ اب غزہ کی پٹی میں فوج داخل کر دی جائے تو سب سے پہلے کمانڈو یونٹ "گولانی” کے اہلکار داخل ہوئے۔ فلسطینی مزاحمت کاروں کے ساتھ جلد ہی گھمسان کا رن پڑا اور ہماری فوج کے کم سے کم 88 سینیر افسر اور جوان ہلاک اور زخمی ہو گئے۔
کرنل غسان کا کہنا تھا کہ غزہ جنگ میں فوجی افسروں کے زخمی ہونے کے واقعات نے فوج پر نفسیاتی طور پر منفی اثرات مرتب کیے ہیں۔ مسلسل کئی ہفتوں کی لڑائی کے بعد ہمارے فوجی اکتائے ہوئے لگ رہے تھے اور وہ اپنی پیشہ ورانہ ذمہ داریوں کو بوجھ سمجھنے لگے تھے۔
بشکریہ:مرکزاطلاعات فلسطین