اسرائیلی پابندیاں، فلسطینی فوٹو جرنلسٹ شارجہ ایوارڈ سے محروم

فلسطین کے علاقے غزہ کی پٹی پر اسرائیل کی جانب سے مسلط پابندیوں اور بیرون ملک سفر میں مصر کی جانب سے کھڑی کردہ رکاوٹوں کے باعث دو مقامی فلسطینی فوٹو گرافر شارجہ میں اپنے ایوارڈ کو وصول کرنے  سے محروم ہوگئے ہیں۔
 
مرکز اطلاعات فلسطین کے مطابق متحدہ عرب امارات کی ریاست شارجہ میں سالانہ تصویری میلہ برائے 2014ء کا انعقاد کیا گیا جس میں دو فلسطینی فوٹو جرنلسٹ علی جاد اللہ اور مجدی قریقع کی تصاویر کو بھی نہ صرف شامل کیا گیا ہے بلکہ ان کی تصاویر پر ان کے لیے ایوارڈ بھی رکھے گئے ہیں۔ تاہم غزہ کی پٹی کی تمام بیرونی گذرگاہیں بالخصوص مصرسے متصل رفح گذرگاہ کی بندش کے باعث دونوں فوٹوگرافر اپنے انعامات کے حصول سے محروم رہ گئے ہیں۔

فلسطینی فوٹو گرافر صحافیوں نے بتایا کہ انہوں نے رفح گذرگاہ کی بندش کے بعد مقبوضہ مغربی کنارے کی ’’ایریز‘‘ گذرگاہ کے راستےبیرون ملک جانے کی کوشش کی لیکن صہیونی حکام کی جانب سے ان کی درخواستیں مسترد کردی گئیں۔

علی جاد اللہ نے بتایا کہ انہوں نے صہیونی انتظامیہ کو متعدد مرتبہ الگ الگ درخواستیں دیں لیکن ان کی درخواست پر کوئی جواب تک نہیں دیا گیا۔ انہوں نے کہا کہ شارجہ میں بہترین تصویری مقابلہ کل بدھ کے روز مقامی وقت کے مطابق صبح نو بجے ہوا لیکن وہ اس میں شرکت سے محروم رہے ہیں۔

تصویری مقابلے میں صرف عرب ممالک میں مختلف واقعات کی حاصل کردہ تصاویر اور عرب فوٹو جرنلسٹ کی بھیجی گئی تصاویر پر کیا گیا ہے۔

بشکریہ:مرکزاطلاعات فلسطین