غزہ – (فلسطین نیوز۔مرکز اطلاعات) اسرائیلی فوج کے جنگی جہازوں نے گذشتہ روز غزہ کی پٹی میں مختلف اہداف پر حملے کیے ہیں جن کے نتیجے میں متعدد مکانات کو نقصان پہنچا ہے تاہم بمباری سے کسی قسم کے جانی نقصان کی تصدیق نہیں ہو سکی ہے۔
غزہ کی پٹی کے سیکیورٹی ذریعے کا کہنا ہے کہ صہیونی فوج کے جیٹ طیاروں نے مشرقی اور جنوبی غزہ میں متعدد اہداف کو بمباری سے نشانہ بنایا۔ مشرقی غزہ میں الزیتون اور التفاح کالونیوں پر بمباری کی گئی جس کے نتیجے میں متعدد مکانات کو نقصان پہنچا ہے۔فلسطین نیوز کو موصول ہونے والی اطلاعات کے مطابق مشرقی غزہ کی پٹی میں صہیونی فوجیوں نے جبل الریس اور صنعتی کالونی کارنی پر بمباری کی گئی۔
ادھر جنوبی غزہ کی پٹی میں اسرائیلی فوج کے جنگی طیاروں نے القسام بریگیڈ کے مرکز القادسیہ اور بیت لاھیا میں پولیس کے مرکز الواحہ پر دو میزائل داغے جس کے نتیجے میں متعدد عمارتوں کونقصان پہنچا ہے۔
فلسطینی وزارت صحت کے ترجمان ڈاکٹر اشرف القدرہ نے بتایا کہ بمباری سے کسی قسم کے جانی نقصان کی تصدیق نہیں ہوئی ہے تاہم اسپتالوں کی انتظامیہ کو الرٹ کر دیا گیا ہے۔