فلسطین نیوز کو موصول ہونے والی اطلاعات کے مطابق سفیر العمادی نے گذشتہ شام غزہ کی پٹی کا دورہ کیا جہاں انہوں نے غزہ میں دوحہ کے تعاون سے جاری تعمیراتی اور ترقیاتی منصوبوں کا جائزہ لیا۔ اس موقع پرانہوں نے کہا کہ قطر فلسطینی قوم کو مایوس نہیں کرے گا۔ غزہ کی پٹی میں جاری تعمیراتی اور بحالی کے منصوبوں پر کام بلا تعطل جاری رہے گا۔
رپورٹ کے مطابق قطری سفیر محمد العمادی کل جمعہ کو شمالی غزہ سے ’’ایریز‘‘ گذرگاہ سے غزہ پہنچے۔ ذرائع کا کہنا ہے کہ وہ کچھ روز تک غزہ کی پٹی میں قیام کریں گے جہاں ان کی ملاقات اسلامی تحریک مزاحمت ’’حماس‘‘ کی قیادت کے ساتھ ساتھ دیگر سیاسی جماعتوں کے رہ نماؤں سے بھی ہوگی۔
خیال رہے کہ امیر قطر الشیخ حمد بن خلیفہ آل ثانی نے جنگ سے تباہ حال غزہ کی پٹی میں تعمیراتی منصوبوں کے لیے407 ملین Â ڈالر سے زیادہ کی اسکیموں کی منظوری دی ہے۔