غزہ – (فلسطین نیوز۔مرکز اطلاعات) گذشتہ روز فلسطینی علاقے غزہ کی پٹی سے تعلق رکھنے والے 55 فلسطینی شہریوں نے مقبوضہ مغربی کنارے میں قائم اسرائیلی جیل’نفحہ‘ میں قید اپنے 36 قریبی رشتہ داروں سے ملاقات کی۔
فلسطین نیوز کو موصول ہونے والی اطلاعات کے مطابق فلسطینی اسیران اور ان کے اقارب کے درمیان ملاقات کا اہتمام انسانی حقوق کے لیے کام کرنے والے عالمی ادارے’ریڈ کراس‘ Â کی جانب سے کیا گیا تھا۔ریڈ کراس کی ترجمان سھیر زقوت نے مرکزاطلاعات فلسطین سے بات کرتے ہوئے کہا کہ غزہ کی پٹی کے 55 شہریوں Â نے اسرائیلی’ نفحہ‘ میں قید 36اسیران سے ملاقات کی۔ ملاقات کے لیے غزہ کے شہری سرحدی گذرگاہ بیت حانون سے بسوں کے ذریعے ریمون پہنچے تھے۔
خیال رہے کہ اسرائیلی زندانوں میں 6500 Â فلسطینی پابندی سلاسل ہیں۔ بائیس عقوبت خانوں میں قید فلسطینیوں میں 29 اسیران اوسلو معاہدے سے بھی پہلے کےقید ہیں۔ ان میں 12 فلسطینی ارکان اسمبلی، 50 خواتین، 14 کم عمر بچیاں اور 500 انتظامی قیدی شامل ہیں۔